سالام عزيز و حؤرمتلي دوستلار
تشككور ائديرم كي بئله بير ايش اوغورروندا چاليشيرسينيز سيزه اولو تانريدان نايلييت لر ديله ييرم من پارس آباد شهريندنم
--------------------------------------------------------------------
هارايين
مقدس سازيني كؤكله آي عاشق
چاتدير او ائللره ائلين هارايين
غم يوكو آلتيندا جان وئرن جانين
غصه دن اييلميش بئلين هارايين
جنگي كور اوغلو چال جان سنه قوربان
باش ساري تئلدن ائن ديلقمده دايان
ايللرله كونلومه دردلر قالايا
ائشيديم ياساقلي ديلين هارايين
مخمس اوستونده باشلا بير آواز
دويغو دنيزينده قوي اوزوم بير آز
ساحيلدن ساحيله چاتديرسين آراز
موغانين هارايين ميلين هارايين
چال دويوم سسينده قورقود نفسين
كاماندار علسگر آلي نغمه سين
ستارخان جوانشير كور اوغلو سسي
سيملري قيريلميش تئلين هارايين
ائله چال اوره كدن چيخارتسين تيكان
خالقيمين دردينه سسيندي درمان
يانيق كرمينده دينله ييم بيرآن
حسرتدن مه له ين زيلين هارايين