آديم دائم قالار افسانه لرده
ايچه يديم بير شراب ناب عشقي
گؤزون تک کاسه پيمانه لردن
منه زيبا پرست ليک عادت اولدو
گؤزوم قالدي رخ جانانه لرده
هوشوم باشدان چيخير قالمير قراريم
قارا زولفون گؤرنده شانه لرده
اگر مجنون عشق اولسان منيم تک
بيلردين وار نه حال ديوانه لرده
من اوندان مست عشقم گل دانيشدير
سوراغيم دوتگيلان ميخانه لردن
عزيزليکده مني کاش بير گؤره ردين
الان بير بايقوشام ويرانه لرده
خرابه گوشه سينده وار بير عالم
کي يوخدور مجلس شاهانه لرده
منيم سن منبع الهاميم اولسان
آديم دائم قالار افسانه لرده